Menu
0

News

你簡唔簡到??簡唔到要入利睇下有咩幫到手

Posted by Lab Star Beauty on

你簡唔簡到??簡唔到要入利睇下有咩幫到手

夏天炎炎夏日,又係同陽光玩遊戲嘅時候喇!!!   一到夏天各位都會好忙碌,要簡必做嘅事真係簡唔到XD 一街都係背心短褲,我都要搵時間執執同快速整理下自己先得!但成個冬天都無點護理手手腳腳,點算好?有咩方法可以快速幫幫手迎接夏天?   身體磨砂:著背心要露背露手臂、著短褲又要露長腿,皮膚光滑真係好緊要,好多女仔淨係掛住毛要脫乾淨,但就冇留意脫毛後的保養呀,最後搞到會有粒粒冇光澤!所以記得定時定候做次身體磨砂,去一去身體嘅死皮,皮膚就自然滑溜溜又有返光澤啦! W.LAB MILK BUBBLE BODY SCRUB牛奶泡泡身體磨砂膏$148 絲襪噴霧:夏天日日係短褲、短裙傾巢而出嘅日子,但如果對腳有蚊懶、又瘀傷,一撻撻咁就真係大煞風景喇,對腳幾長幾直都冇用呀。想帶對靚腳出街,就記得出門前噴一噴絲襪噴霧,對腳即時又白淨又無瑕啦! The Yufit Legs Make-up Airbrush冰涼遮瑕防曬絲襪噴霧SPF50+PA+++$198 減肥/溶脂產品:要show身材就難免要keep fit,唔係比人見到掉左出利就尷尬喇,其中最難搞莫過於個肚腩呀,啲短褲短裙窄小小都搞到啲肉啫掉哂出黎,唔通成日用件衫黎遮遮掩掩咩。所以就係時候用返啲溶脂腰套黎修修身,踢走個大肚腩,到時冇有怕喇! Let's Slim Salua Health Waist專利顆粒溶脂套(修腰/減肚腩專用)$168 造型產品:大熱天時,長髮及肩嘅朋友仔總係特別燥底,之唔係因為把頭髮焗住哂囉!所以唔少女仔一到夏天都鐘意紮馬尾同髻,不過如果把頭髮唔夠柔順,一大埋天線毛毛彈起哂咁,就紮咩都唔好睇啦!快速同天線毛毛講BYEBYE,可以睇下以下產品喇~~   MOETA POP DEVIL STICK WAX 魔鬼造型棒$68 MOETA Zanmuri Fixer Fast快速定髮液$98 MOETA Golden Time Argan Oil魔鬼堅果護髮油$108   仲有一兩個月就正式踏入暑假時分,夏天殺到!快D急救喇!!!

更多 Read more →

【慎入】究竟係咩啊 ?? 你必須要知-0-

Posted by Lab Star Beauty on

【慎入】究竟係咩啊 ?? 你必須要知-0-

咩話??咩話??成日都聽唔清楚D野? 相信不唔少朋友仔對挖耳朵有經驗,太耐無處理耳隻入邊嘅污垢,唔多唔少會影響聽力,但有時自己又睇唔到,又驚越整越入,久而久之污垢變硬了。 為左解決呢個問題,都試過好多唔同方法,但係要留意!!人體外耳道皮膚非常脆弱敏感,和軟骨膜連接很緊密,如果方法唔正確用力不當,好易整損會有機會引起外耳道損傷。- 其實影出利真係幾肉酸,不過好想同大家分享,唔好再用手或者硬物強行喇,只會令到污垢被推到更深處,甚至可能整傷及鼓膜!有個輕易方便可以同污垢講BYEBYE! Label Young Shocking Ear Cleanser Set 耳朵清潔液套裝容量:100ml(一套set裝有清潔液及棉花棒)   韓國推出咁方便嘅shocking ear cleanser神器可以輕鬆自己搞掂,一套set裝有清潔液及棉花棒。取適當份量搽係耳仔外內就可以喇!用後有清爽清涼嘅感覺,高濃縮透明液,無刺激自然成份主要成份毛氈苔取物10000ppm,薄荷同甘菊提取物等等,有效去除耳隻入面嘅廢物,角質層等等。     - Label Young Shocking Ear Cleanser Set 耳朵清潔液套裝 $98

更多 Read more →

明明好勤力做保濕⋯點解啲皮膚都係咁架?

Posted by Lab Star Beauty on

明明好勤力做保濕⋯點解啲皮膚都係咁架?

保濕可以話係所有護膚步驟中最重要嘅一part,之唔係因為大部分肌膚問題,其實都同皮膚失去水分有關,好似暗啞、皺紋、冇彈性等等,所以加緊保濕係不少女士嘅頭號任務!不過⋯明明好勤力去保濕⋯點解啲皮膚都係咁架? 相信唔少人都身同感受,已經用左好多保濕力強嘅護膚品,而且仲時不時敷面膜,但皮膚都依舊咁乾,尤其冬天擦咩塊面都係乾爭爭咁呀。遇到呢個情況,好大機會就係保濕方法出錯呀! 其實皮膚嘅結構複雜,並唔係一味擦、一味敷就有用,要皮膚保持水潤光澤,就要避開錯誤嘅保濕方法喇!唔係唔止浪費哂啲功夫,仲可能會弄巧反拙添,即係越保濕越乾呀。今次就同大家講下好多人平時會犯嘅呢啲保濕錯誤啦。 洗面後冇即時保濕:唔少朋友仔仲完涼洗完面之後會有一大堆野做,好似吹頭呀、睇陣電視呀、禁下電話⋯唔得呀!原來洗面後係皮膚角質層含水量最高嘅時間,呢個時候擦保濕產品就最吸收、最有效。一旦錯過左,擦咩效果都打左個折架喇! 常噴保濕噴霧:有時隨身都會帶支細細嘅保濕噴霧,塊面一乾就噴噴佢。但原來呢個做法係岩唔哂架,事關保濕噴霧雖有補充水分嘅功能,但好多時係office噴時候,噴完水分好快就會蒸發,仲會帶走埋皮膚本身嘅油脂!所以噴完保濕噴霧最好就用紙印一印走多出黎嘅水分,再擦返一層面霜鎖水。 缺油定係缺水呢:好多時一見到產品寫住保濕就入左手,但係就冇搞清楚其實自己需要補咩呀!其實皮膚會乾除左缺水仲可能係缺油,要清楚知道係缺油定係缺水哦,補唔岩就點擦都冇用啦。 面霜擦太厚:天氣乾燥,成日諗住擦保濕面霜就緊係要擦厚少少啦,唔係點擋得住啲北風呀!但咁嘅諗法就出事喇,其實擦厚啲係幫助唔到保濕,因為皮膚根本無法吸收,仲有機會阻塞毛孔,造成粉刺、暗瘡添!所以保濕面霜應以適量為好,只要產品保濕力強,薄薄一層已經好足夠架喇! 瘋狂敷面膜:敷面膜係一項好幫到保濕嘅做法,所以就緊係多啲黎、密啲敷啦,咁多精華最好一敷敷成粒鐘添呀!殊不知咁敷法好易會出反效果,因為日日敷對皮膚會造成一定負擔,其實一星期兩三次已經足夠;至於敷太長時間就更唔得,因為當面膜嘅精華已經被吸收哂,乾嘅面膜可能會反過黎吸走皮膚嘅水分,所以如果冇特別標明的話,最好控制係15-20分鐘左右。 當然啦,冇一種產品、一個保濕方式係萬能嘅,簡返適合自己皮膚性質產品喇!

更多 Read more →

【更新】2017年版黃金棒 教大家如何分辨正貨

Posted by Lab Star Beauty on

【更新】2017年版黃金棒 教大家如何分辨正貨

日本24K Beauty Bar 黃金棒係今年2017年,加添2處防偽記認,分別係包裝盒同埋棒開關位置。 等我地教下大家如何分辨正貨喇,讓大家可以更容易清晰知道購買係原裝正貨! 【正貨保證】 本店為官方認可授權經銷商,只要官網頁面輸入授權碼,可清楚見到各分店詳細資料。記得要簡選官方認可授權經銷商購買,確保正貨。 Beauty Bar官網:https://beautybar.co.jp輸入授權碼官網頁面:https://beautybar.co.jp/ja/entitlement/  【正貨24K Beauty Bar黃金棒】 1)日本Beauty Bar 24K黃金棒每盒都有獨立編號2)原裝日本出品既國際條碼係45-49開頭3)黃金棒T頭頂位置圓滑而無縫的4)打開電源位置棒蓋有寫住Made In Japan5)原裝正貨內附Fujitsu 電池寫住Made In Indonesia6)黃金棒內附送一粒日本富士牌子Fujitsu嘅AA電 【2017年版黃金棒,加添2處防偽記認,分別係包裝盒同埋棒開關位置。】   7)盒上加添防偽貼紙8)棒開關位置加添偽貼紙 100% 日本原裝進口包一年保養(不包括人維損壞) ,一般情況下廠方不會收取零件費, 客人可透過本公司代寄或自行寄回日本,但郵費需要客人負責,請保留產品包裝及保養証作保養維修之用。 - 24k Beauty Bar 黃金棒選購連結: 原裝進口日本24K Beauty Bar黃金棒 24K Beauty Bar黃金棒*2017年版 + Myth~Gold金箔緊緻精華

更多 Read more →

如果你同我一樣,點護啲髮質都冇乜改善,其實可能已經跌入護髮陷阱!

Posted by Lab Star Beauty on

如果你同我一樣,點護啲髮質都冇乜改善,其實可能已經跌入護髮陷阱!

做女仔真係唔易,護膚難、護髮仲難!眼見街上面嘅女神們個個都有一把順滑嘅長髮,自己就明明已經有努力護髮,但仲係頭髮乾旱、髮尾開叉、頭皮出油咁款...究竟係咩一回事呀! 如果你同我一樣,點護啲髮質都冇乜改善,其實可能已經跌入護髮陷阱!即係我地自以爲係對頭髮好嘅護髮步驟,其實可能係錯誤方法黎,不但令髮質冇改善,仲可能適得其反添! 所以話護髮唔係一味靠努力,要護得岩先至事半功倍架。要護得岩,第一步就當然係唔好錯啦,以下同講下十件大家老是常中伏嘅護髮忌做事項! 每日洗頭:好多人理所當然咁認為頭要日日洗先乾淨,但原來洗得多可能會洗走埋保護頭皮嘅油脂,髮質會越黎越乾! 洗完頭即上護髮素:如果洗完頭唔壓一壓乾就直接擦護髮素,裡面有再多嘅養分都無用呀,事關水分會隔開護髮成分,頭髮根本吸收唔到。 護髮素擦埋頭皮:護髮素並非擦得多就滋潤得更好,尤其髮根接近頭皮,護髮素擦上塊可能造成阻塞,隨時潤到出油! 用指甲洗頭:一邊洗頭一邊用指甲抓頭皮先乾淨嘅諗法其實大錯特錯!其實要頭皮健康按摩就夠,如果抓太用力分分鐘傷害頭髮導致脫髮架! 洗完頭即吹乾:洗頭接著吹頭相信係唔少人嘅習慣,但原來咁做會令洗髮過程中頭髮吸受到保濕成分迅速流失,所以洗完頭最好用毛巾包起一陣再吹乾。 吹乾頭髮先擦髮尾油:髮尾油原來唔係擦係乾髮度即時滋潤,而係係頭髮仲濕濕地嘅時候落嘅,因為頭髮係仲濕嘅時候,磷狀表層會打開,先至發揮到最佳嘅吸收力呀! 好多朋友仔成日投訴話用極護髮產品都冇改善,其實未必係產品唔好,有可能係方法用錯呀!所以要頭髮還原靚靚,最好就係好產品加正確手法啦。 至於做開上面六件事嘅人,事不宜遲,快D試下啦!

更多 Read more →