Menu
Cart 0

究竟點解會手腳冰冷?暗示緊身體出現咩問題?

Posted by Lab Star Beauty on

究竟點解會手腳冰冷?

究竟點解會手腳冰冷?

一到冬天,天氣轉涼,又係請人食凍柑嘅時候!唔知有冇人同我一樣,成日被身邊嘅另一半或者朋友們埋怨對手凍過雪條,唔好話拖住呀,連掂下都凍到入骨,有時要同人握手都幾尷尬下。

其實冬天手腳冰冷係好多香港人嘅通病,尤其係啲比較瘦弱嘅女孩子。手凍腳凍聽落好小事,但其實有苦自己知,好似寫野打字時隻手又會僵哂,夜晚著埋襪訓覺都係凍到失眠!

原來手腳冰冷暗示左好多問題架,可能係血液循環不良、低血壓、低血糖、壓力過大、缺乏鐵質、雌激素分泌不足等等,甚至有機會係由於心臟功能衰弱,冇辦法將足夠嘅血液運送比全身。


所以話,手腳冰冷未必係大事,但就一定唔係好事呀。如果有呢方面嘅煩惱,不妨黎學下點改善啦!

1. 多活動手腳:多做運動就日講夜講啦,可惜唔少人工作繁忙,冇咩時間日日運動。但其實幾個簡單動作都會有用架,例如甩手、原地跳、快步行等等,做返大約20至30分鐘就可以幫到血液循環。

2. 暖水泡腳:人體血液超過一半都集中係雙腿嘅靜脈到,用暖水泡一泡可以促進新陳代謝同加速血液循環,但緊記水溫要維持係40度左右,泡浸時間都唔好太長,建議20分鐘就可。不過有糖尿病、靜脈曲張、動脈硬化嘅心血管疾病嘅朋友就要先問過醫生再浸!

3. 保暖衣物:手腳冰冷嘅人接觸到凍冰冰嘅係空氣就實凍上加凍,所以禦寒衣物都好緊要架。但好多女仔都愛靚唔愛命,冬天仲著短裙短褲,但其實要靚都未必要放棄保暖嘅,加返對靚手套同高筒襪就暖笠笠又時尚啦。

參考以上嘅貼士黎改善身體狀況,今個冬天唔好再做雪條喇!

Share this post



← <<Older Post Newer Post>> →


留言 Leave a comment

請注意,評論必須經過批准才能發布