Menu
Cart 0

卸妝通想都用卸妝水/卸妝油,麥原來咁都落到妝??

Posted by Lab Star Beauty on

原來咁都落到妝??

平日卸妝唔係用卸妝水,就係用卸妝油架啦,但原來世上千其百趣,原來除左用呢啲產品,仲有幾樣平時成日都會見到嘅野都可以拎黎卸妝架,真係開心大發現呀!

其實卸妝真係一門學問,淨係揀油、揀紙、揀水定揀乳液都已經要諗餐飽,仲要再睇成分、功效同牌子,要搵一隻適合嘅卸妝產品真係唔易。如果仲煩緊卸妝用咩好,可以睇埋以下呢啲另類方法喎!

1. 潤唇膏:含有蠟質或凡士林潤唇膏原來具有卸妝的功用,尤其可以用黎對付啲難卸嘅眼妝或者唇妝添。有興趣嘅朋友將適量嘅唇膏抹係化妝棉,又或者直接用棉花棒沾一沾唇膏,輕輕抹下濃妝位!
2. 蘆薈:除左保濕、舒緩同降紅,蘆薈竟然仲可以卸妝添。好多時當我地嘅妝容唔算太濃時,未必想用到卸妝油咁重手,但用卸妝水又會怕乾,原來蘆薈都係一個選擇,溫和卸妝之餘仲有其他美容功效,特別係易敏感嘅人可以考慮一下。
3. 牛奶:好飲又好使嘅牛奶就出哂名有美容功能架啦,但原來用黎卸妝都好work。牛奶裡面含有乳酸,卸妝同時仲有美白同去角質嘅效用添,多重功用。只要將化妝棉浸一浸牛奶就用得,好方便架。
4. 純乳酪:同牛奶一樣都係美容食品嘅乳酪用黎卸妝又係無難度!乳酪不但能夠美白,仲有效清潔皮膚。用化妝棉沾少少乳酪卸走化妝品,皮膚都會白滑啲。
5. 牛油果:成日用係護膚品嘅牛油果,佢嘅果肉本身含有油脂,所以能輕易卸走濃妝,而且仲可以幫皮膚補充返啲維他命E,實行一路卸妝一路返膚!

以上方法雖然都有唔少人試過,不過都係只供參考,最緊要都係考慮返自己嘅皮膚狀況呀!


Share this post



← <<Older Post Newer Post>> →


留言 Leave a comment

請注意,評論必須經過批准才能發布