Menu
Cart 0

點解要執野嘅??唔知大家有冇以下同感呢??

Posted by Lab Star Beauty on

新嘅一年黎到喇,又係時候去添置返啲新衫褲、新袋、新鞋⋯等等先!買埋咁多新野,擺邊好呀?
望住間亂左成年嘅屋企,係出去購物前都係執返好間屋先,所以新年第一樣要做嘅野就係做.家.務!

lab star beauty

媽呀,聽到都冇心情!好地地,點解要執野?之唔係因爲自己平日鐘意亂掉野。
其實邊個唔想見到屋企乾乾淨淨、企企理理,但要的起心肝做大掃除真係好困難,永遠都係聽日做、後日做、放假做⋯結果當然就係冇做啦。


究竟點解我地咁唔想做家務?等我呢個專逃避做家務嘅人黎分享下啦!


  • 「執左啲野會搵唔到架!」:
    對於四圍已經長時間混亂嘅朋友黎講,一切其實係亂中有序,我地永遠都可以能人所不能咁係一堆睇落亂七八糟嘅野入面好順手咁搵到自己想搵嘅野,反而一執好就會打亂我地嘅秩序,結果摷成日都搵唔返啲野呀。

  • 「執完都好快亂返架啦!」:
    我唔係冇試過執,只係執完唔夠一星期又開始亂返,可以點算?咪唯有不斷地再執、再亂、再執、再亂⋯到最後就忍不住就會諗,等佢亂到頂唔順先執啦,可惜人嘅容忍能原來好高架,頂唔順個日有排都未到啦!

  • 「我唔識做呢啲野架!」:
    所謂人人各有所長,我就最唔叻做家務架喇,人地輕鬆個幾鐘做完嘅野,可能要用左我成幾粒鐘呀!最慘係做到身水身汗,又唔係做得好喎,一唔小心又倒瀉呢樣、整濕個樣,唔通連做家務都要講天份?咁我都係安分守己好過啦。


不過其實講多無謂,唔想做家務歸根究底都係因應呢個字,就係「懶」呀!
平時返足五日工已經好攰架喇,放假有時街都唔想出呀,只係想好好咁係張床度攤一日,瘋狂煲劇、玩電話⋯呢個時候叫我執野做家務,對腳就好似千斤重咁!


唔知大家有冇同感呢?不過踏入2017年,都係時候要改下啲壞習慣喇。
其實每日做多少少,平時企理啲唔好亂掉野,最後咪唔洗亂到冇眼睇囉!
各位朋友仔,加油啦!

Share this post



← <<Older Post Newer Post>> →


留言 Leave a comment

請注意,評論必須經過批准才能發布