Menu
0

防曬真係重緊要過化個靚妝,但係點搽先岩?

Posted by Lab Star Beauty on

話咁快又到炎夏喇!雖然未放暑假,但天氣已經熱到不得了,30幾度都係小事,最慘係個太陽仲要日日出黎「行凶」,曬到正一正呀。陽光一向係皮膚的頭號大敵,所以防曬真係重緊要過化個靚妝,之但係防曬都有其事有好多功夫,絕對係一門學問!

 

首先,要撃退敵人,就必須要知己知彼,陽光之所以對皮膚咁傷,主要係因為裡面有紫外線係一種肉眼睇唔到嘅光線,會破壞皮膚入面嘅的自由基,加速皮膚老化架!紫外線按波長分為三種,唔同波長對人體傷害都不同架,主要會傷害到皮膚嘅係以下呢兩種:

 

.UVB:波長 280~320nm,會曬傷皮膚,令皮膚角質增厚,引發暗沉、發紅、乾燥等嘅問題。

.UVA:波長 320~400nm,紫外線裡面有95%以上都係UVA,穿透力好強,對皮膚嘅傷害亦最大,而且因為可以直達真皮層,令皮膚曬黑、加快老化同鬆馳、產生皺紋、浮現微血管等等。

 

至於平時我地係防曬產品上面見到嘅SPF、PA+++其實同呢兩種波長嘅光線都息息相關架,咁呢D標籤又係點解呢?

 

.SPF:即係Sun Protection Factor,係解防禦UVB嘅能力指數,而跟係SPF嘅數字的係數,其實係標示緊可以抵抗UVB幾耐同阻隔能力嘅強弱。一般黎講,我地咩都唔搽咁係陽光下曝曬15分鐘就會開始曬紅,SPF 30代表可延長曬紅時間30倍,即係450分鐘。

.PA:即係Protection Grade of UVA,係防禦UVA嘅能力,跟係後面嘅+號代表防禦能力,愈多+號防禦能力就愈高,一般一個+大約可延長曬黑時間多2至4倍;++就4至8倍;+++ 可延長8倍以上嘅時間。

 

注意!唔少人都以為揀防曬指數高嘅產品就萬無一失,但咁諗就出事喇!因為防曬系數愈高,就代表產品添加左愈多防曬劑,所以刺激都會愈大,仲加重皮膚負擔添。其實大家應該要睇返自己做咩活動黎決定當日用咩防曬產品,例如一般SPF 41左右都足夠,如果去沙灘或者玩水上活動呢,就最好準備SPF 50防曬產品喇。

 
除左睇SPF同PA之外呢,仲成日聽到物理防曬,究竟又係咩?等我又簡單咁講一講先!

 
.物理防曬:透過係皮膚表層形成反光膜,以反射方式減少紫外線對肌膚嘅傷害,原理就好似着衫咁,佢嘅優點成分冇咁易被皮膚吸收,比較唔會造成過敏,作用係利用光嘅折射同散射現象,係唔影響本身肌膚情況下,有效將紫外線經肌膚表面直接反射。保護肌膚範圍較大,廣泛抵擋紫外線中UVB同UVA,進入皮膚內產生紅腫、曬傷等情況。

 但係,防曬嘅基本概念就搞清楚喇,但點搽都仲係一個問題,因為據我觀察,其實唔少朋友仔對於搽防曬嘅方法都係一知半解,諗住係咁易搽左就算數,咁絕對係大錯特錯呀!以下有D搽防曬嘅Tips,有興趣不妨一睇:

 
.分量要夠足:唔少人以為防曬薄薄搽一層就足夠,其實真正足夠嘅用量係2mg/cm²,即大約半茶匙/一蚊銀大細,而如果搽唔足夠,防曬保護係會大打折扣,薄薄一層更可能係搽左等於冇搽咁大獲架!

 .定時定候要補:出門口前搽好防曬係基本動作,但搽完係咪就一勞永逸?絕對唔係!出左門之後,陽光有可能會分解左防曬產品入面嘅化學成分,而汗水亦都會令搽左嘅防曬產品流失架,可以的話最好就每隔4-5小時補塗,以維持防曬嘅效果,特別係搽身啊。

.陰天冇太陽都要照搽:好多人覺得愈曬就要愈勁搽,咁唔曬係咪就可以唔搽?有朋友仔會誤以為太陽匿埋嘅時候就唔需要動用防曬,實情係80%嘅紫外線係能穿透稀薄雲層,所以就算係陰天、晚上都會被照射到,甚至乎係室內有部分人造光源都有紫外線架,所以一年四季、晴天雨天、室內室外都要做好防曬。

希望大家可以做好保護皮膚工作啊~

 
Elta MD UV Clear Broad-Spectrum #SPF41 Elta MD UV Clear Broad-Spectrum #SPF46 Elta MD UV Sport Broad-Spectrum#SPF50

Share this post



← <<Older Post Newer Post>> →


留言 Leave a comment

請注意,評論必須經過批准才能發布