Menu
Cart 0

YES!!終於有機會同濕疹講分手!!

Posted by Lab Star Beauty on

又到冬天喇,天氣咁乾燥,唔少香港人嘅頭號皮膚大敵—濕疹都會搵上門,發起上黎唔單止令人痕到飛起,嚴重時仲會又紅又腫甚至甩皮,真係諗起都覺煩呀!要對付濕疹,就要係生活習慣同日常護理方面落功夫,今次就同大家分享一啲改善濕疹問題既小tips,等你地盡快同濕疹分手!

濕疹其實係一種好常見嘅過敏性皮膚病,男女老幼都有機會患上,通常發係面、手腕、手肘、膝頭哥內側,部分人仲會出現係大小腿,甚至乎全身。濕疹並無特定成因,但一般黎講就係皮膚對某啲物質敏感,同基因亦都有關係。

點先知自己有冇濕疹?
患上左濕疹嘅皮膚通常會好痕癢、好乾燥,
呈紅腫、發炎嘅狀態,仲可能會有有皮屑、出水泡同流血水添。

目前醫治濕疹多數都會用類固醇藥膏,但唔少人都擔心佢唔治本,又有副作用,仲會翻發機會添。咁除左擦藥膏,仲可以做啲咩改善濕疹皮膚?

勤力保濕:
經常擦啲有保濕、
滋潤功效嘅護膚產品可以保護皮膚表層,令致敏嘅物質冇咁易侵害皮膚,仲可以保充皮膚水分,紓緩乾燥帶黎嘅痕癢不適。

避免用過熱(超過38度)嘅水沖涼:
天氣凍時緊係想沖個熱水涼,
尤其身痕時用熱水淋下會好舒服,但過熱嘅水同時會破壞皮膚本身嘅保護膜,令皮膚進一步流失水分。

適量運動:
帶氧運動加速血液循環同新陳代謝,仲可以增強免疫力,
令皮膚更健康,抵抗外來侵害,但記得要視乎情況控制運動強度,因為大量出汗有機會令皮膚痕癢,所以運動完一定要清潔身體。

戒口:
好多人都未搵得到自己確實嘅濕疹致敏原,
但盡量少食辛辣野、濕熱野(如芒果、海鮮)等都可以減少刺激皮膚。

選擇索汗通爽嘅棉質衣物:
大家着衫未必會睇材質,
但原來人造纖維係有機會引起皮膚敏感,盡量着純棉物料嘅衣就可以減少皮膚接觸敏感物質。

其實坊間都流傳唔少治療濕疹的偏方,好似浸芫茜水、金銀花水等,成效就因人而異啦,不過記得要清潔好啲草藥先,唔係有機會留左啲細菌係到,浸完反而加劇敏感問題架!


Share this post



← <<Older Post Newer Post>> →


留言 Leave a comment

請注意,評論必須經過批准才能發布