Menu
Cart 0

擊退黑眼圈有辦法!!告別熊貓眼

Posted by Lab Star Beauty on

擊退黑眼圈有辦法!!告別熊貓眼

擊退黑眼圈

一對明豔照人既眼睛真係好加分架,相反如果對眼下面成日有對大大嘅黑眼圈,搞到個人睇落無里神氣,連面色都差埋!之但係現時好多眼部產品去黑眼圈嘅成效都相當有限,究竟除左買護眼霜,仲可以點改善到對熊貓眼呢?

香港人生活繁忙,成日捱夜同OT,朝朝搭車返工總有一兩隻熊貓係左近。最慘係對黑眼圈一旦出左黎就好難擊得退,有時明明早左上床都比人問琴晚係咪冇訓教,都幾hurt架!今次就要同大家分享去各種去黑眼圈的小方法。

其實黑眼圈嘅成因有好多,除左成日捱更抵夜,仲有啲人係先天性眼框皮膚色素細胞密度比較高,令眼袋位特別深色,仲可能同鼻敏感、肝臟問題、甲狀腺有關添!

咁有咩改善方法呢?

青瓜敷眼:
青瓜蘊含維他命C,而維他命C有美白作用,雪凍D青瓜先敷可以幫助減輕眼部浮腫情況,要切薄才可以貼上眼,訓前敷返十分鐘到!

菊花/杞子/黑棗/桑椹子焗茶:
菊花有明目嘅效用,
杞子可以保持眼部細胞健康,桑椹子養血安神、幫助睡眠,再加埋補肝腎嘅黑棗,實行內外夾攻黑眼圈。

按摩眼睛周邊:唔講唔知原來眼睛周圍有好多穴位架,例如眉毛中間、眉頭內側、眼角內側等,如果係因鼻敏感造成嘅黑眼圈亦可以按下鼻部嘅穴位,不時按摩可以增加血液循環,改善黑眼圈架。

當然啦,真係要徹底KO黑眼圈,作息飲食係最緊要既,早啲訓、食得健康啲就咩病都冇哂啦!


Share this post



← <<Older Post Newer Post>> →


留言 Leave a comment

請注意,評論必須經過批准才能發布