Menu
Cart 0

明明已經日日洗頭,究竟點解個頭仲咁油?

Posted by Lab Star Beauty on

明明已經日日洗頭,究竟點解個頭仲咁油?

總有啲人無論幾時把頭髮都一樣咁柔順咁飄逸,亦總有啲人朝早洗完頭冇耐就開始出油,無論set到個頭幾靚都無用⋯所以今次就同大家討論下頭油問題!

香港大部分時間都偏潮濕,相信唔少人都會有頭油旺盛嘅煩惱,尤其長時間在外嘅人,一到夜晚個頭就塌哂,有時見到啲梳住女神頭嘅女仔行過,啲頭髮貼服得黎又有啲鬆,真係好羨慕架。

好多人都會咁諗,明明已經日日洗頭啦,究竟點解個頭仲咁油?

原來有機會同你用嘅洗頭水有關!現時市面上好多洗髮產品都含有一種叫矽(Dimethicone)嘅化學物質,有研究就話呢種矽係會影響頭髮健康架。

其實矽係乜?

洗頭過後,頭髮表面嘅毛鱗片會打開,而矽就用黎填補呢啲毛鱗片之間嘅空隙,等你洗完頭摸摸把頭髮時先會有一種好滑好順嘅觸感。曾經有研究就話,由於矽係非水溶性,所以用完一次佢就會一路覆蓋係頭髮到,下一次用又會形成另一層,結果就越積越多層,令頭髮越黎越厚,仲塞住毛孔令頭皮出油,嚴重起上黎仲會引致脫髮添!

雖然亦都有人提出矽對頭髮係無害,但就越黎越多人選擇轉用無矽洗頭水,咁頭皮上面嘅污糟野唔會比矽隔住洗唔走,減少出油同塞毛孔嘅機會,更令頭皮可以更充分吸收到護髮產品嘅滋潤,頭髮有返彈性之餘仲輕盈左,就唔會扁塌塌啦!

其實除左矽之外,頭油多都可能係同以下原因有關:

洗太多次頭:唔少人見到啲頭髮出油就即刻走去洗,諗住保持乾淨清爽。但原來過度洗頭有機會洗走埋頭髮嘅天然油脂,頭皮覺得唔夠油脂就會分泌更多油,結果越洗越油!其實一日洗一次頭已經好夠架喇。
使用太多美髮/gel頭產品:頭先就講過洗頭水入面嘅矽,其實唔少美髮/gel頭產品都含有其他可能會阻塞毛孔既化學物質,特別係啲泡泡好多嘅洗頭水。所以如果有頭油問題的話,最好都係揀啲成分天然嘅洗頭水。
護髮素用得唔岩:大部人洗完頭都會再加護髮素,希望滋潤頭髮,但好多人都唔知,原來護髮素係唔可以擦埋頭皮架,因為好多護髮素滋潤成分多,難以沖走,留左係頭皮就會阻塞毛孔。專家就建議,護髮素只需要擦係頭髮既中尾部就可以!

有頭油問題嘅你,記得要改善洗髮嘅習慣喇!


Share this post



← <<Older Post Newer Post>> →


留言 Leave a comment

請注意,評論必須經過批准才能發布