Menu
Cart 0

著高踭鞋最痛苦莫過於係....[[刮腳]] 想解決真係要睇睇

Posted by Lab Star Beauty on

 點先可以著新鞋時,解決刮腳問題??

新鞋刮腳

轉季喇!又有藉口買新鞋喇!尤其是係貪靚嘅女士們,無論幾時見到靚鞋都會雙眼發光架啦。之不過新鞋上腳難免會刮,特別係啲尖頭嘅高踭鞋,真係著到對腳好痛苦架嗚。


其實高踭鞋會刮腳嘅地方都好多架,唔止常見嘅鞋頭、鞋跟位,有啲連鞋身兩邊都會刮到添。著住自然就腳痛,但要人望住對靚鞋又冇得著,個心都好痛架嘛,所以好多時再痛都會忍住,結果就搞到個腳損哂起泡咁⋯

而家唔洗驚喇,因為要解決新鞋刮腳嘅問題有幾個好簡單嘅小方法,愛靚又怕痛嘅你不妨參考下啦!

1. 乾濕報紙:將報紙揸成一團再濕水(記得唔洗濕到滴哂水,但成團都要濕到,唔係好易查污糟對鞋架!)然後再用乾報紙包住塞係鞋頭、鞋跟等嘅刮腳位,放一晚就著得喇。
2. 白蠟燭:將啲一層薄薄嘅白蠟抹係鞋上面所有會接觸到皮膚嘅邊邊角角,唔單止可以令鞋皮變得柔軟啲,啲蠟仲會形成保護膜,令雙腳唔會咁易被磨損。
3. 白酒+毛巾:白酒飲得又用得,因為佢裡面含有乙醇,會同鞋皮嘅蛋白質產生化學作用,從而軟化皮質。所以可以用毛巾浸啲白酒再放係刮腳位,又係放一晚即著得!

其實除左係新鞋上動啲手腳外呢,揀岩鞋碼都好重要架。有專家就建議係下午或者傍晚時份買鞋最好,因為呢個時間通常會係全日對腳最腫嘅時候,唔驚買細碼會刮腳啦!


Share this post



← <<Older Post Newer Post>> →


留言 Leave a comment

請注意,評論必須經過批准才能發布